Skuadra vendase e nisi më mirë përballjen duke e mbyllur çerekun e parë me epërsi prej tetë pikësh (24:16).
Edhe në çerekun e dytë, nikoqirët vazhduan të kishin rrjedhë më të mirë të pikëshënimit porse kësaj radhe shënuan vetëm katër pikë më shumë se skuadra kosovare (15:11) dhe gjysma e parë përfundoi me rezultat 39:27.
Rikthimi i Pejës ndodhi në çerekun e tretë, kur kosovarët ishin fantastikë duke shënuar 20 dhe duke pranuar 10 pikë, ashtu që në këtë periudhë diferenca u ngushtua në dy pikë (49:47).
Loja e mirë e pejanëve vazhdoi edhe në çerekun e fundit, gjatë të cilit ata arritën që të kalonin edhe në epërsi duke i vënë në presion kundërshtarët. Deri në përfundim të ndeshjes, pejanët zhvilluan lojë tejet të mençur dhe e siguruan një fitore tejet të rëndësishme me rezultat, 62-63.
Lojtarët më të dalluar te Peja ishin Jozo Brkic me 14 pikë dhe 13 kërcime, si dhe Alban Veseli që kontribuoi me 13 pikë.
Ndeshja e dytë gjysmëfinale do të zhvillohet në palestrën “Karagaçi” në Pejë me 7 prill.
0 comments:
Post a Comment